MAIN CAMODE HOON

MAIN CAMODE HOON

Main camode hoon. aadmi ki asankhya adbhut avishkaaro mein se ek.
ji haan kalyug ki sabse badi khoj, bilkul facebook ki tarah jahan,
kam se kam ek baar jaana to aadmi ki majboori hai.
main wo HOT SEAT hoon jise grahan karte hi aadmi ki kalpanaaye
angdaai lene lagtihai soch vichaar ke tantu jaag uthte hain.
Isiliye main lekhko , chintako, aur vichaarsheel logo ki pahli pasand hoon.
Mera aasan grahanker na jaane kitne kahaaniyo kaavyo aur avishkaaro ka janm
sambhav huaa.

Aaj jab aadmi ki nijata(privacy) khatre me hai ,
main hi use nitaant ekaant uplabdh karaata hoon.
yahan sirf vichaaro ka hi aana sambhav hai,
main hi wo ek maatra jagah hoon jahan patniyaa bhi pati ko
pratadit karne nahi aa sakti hai.

Nakli chehro ki duniya me main aadmi ke vyaktitva kaa aainaa hoo,
jiske yahan main saph suthra muskarata handsome dikhoo to,
aadmiko saph suthra samajhna,
rota badbudaar dikhu to tauba tauba karnaa.

sachcha ho ya jhutha ,paapi ho ya sadaachaari ,
main hi wo hamaam hoon jahan sabhi nangey hain,
aur chalte chalte dukh ki ghadi me jab tumhe rone ko,
koi kandhaa na mile,chalakte aasuo ko chupaane ki koi
jagah na mile, main maa ki god ki tarah hoon
jahaa bachcha rota hai foot foot ker sakun paane ko

HAAN MAI CAMODE HOO INSAAN KI ADBHUT KHOJ.